Mbeki Kujiuzulu

Chama tawala nchini Afrika Kusini cha African National Congress (ANC) kimemtaka Rais Thabo Mbeki kujiuzulu kutokana na madai ya kula njama dhidi ya kiongozi mkuu wa chama hicho.

Kamati Kuu ya Taifa ya chama hicho, imesema Bwana Mbeki ni lazima ang'atuke baada ya jaji kubainisha aliingilia kesi dhidi ya mpinzani wake, Jacob Zuma.

Kamati hiyo Kuu ya ANC yenye wafuasi wengi wa Bwana Zuma, haiwezi kumlazimisha Bwana MBeki ambaye amekanusha madai hayo, kuondoka madarakani.

Bwana Zuma anapewa nafasi ya kuchukua nafasi ya Bwana Mbeki katika uchaguzi mkuu uliopangwa kufanyika mwakani.

Bwana Zuma alimshinda hasimu wake huyo katika nafasi ya uongozi wa ANC katika uchaguzi uliofanyika mwaka jana, wakati Bwana Mbeki alipomtimua katika nafasi yake ya makamu wa Rais mwaka 2005.

Mapema mwaka huu jaji wa mahakama kuu aliitupilia mbali kesi ya madai ya rushwa iliyokuwa ikimkabili Bwana Zuma, kwa maelezo kulikuwa na ushahidi wa kuingiliwa kisiasa katika uchunguzi wa kesi hiyo.

Waswazi Kuchagua Wabunge

Nchi ya Swaziland kwa mara ya kwanza inapiga kura kuchagua wabunge chini ya katiba mpya, huku chagizo zikiongezeka za wanaharakati wanaodai demokrasia zaidi.

Vyama vya siasa vimepigwa marufuku katika nchi hiyo ndogo ya Afrika yenye utawala wa Kifalme.

Serikali imesema inatarajia watu wengi watajitokeza kupiga kura, katika uchaguzi utakaoshuhudiwa kwa mara ya kwanza na waangalizi kutoka nje.

Baadhi ya raia wa Swaziland wamekuwa wakimlaumu Mfalme wao Mswati III kwa kuiingiza nchi hiyo katika lindi la umasikini na pia kwa kushindwa kukabiliana na maradhi ya Ukimwi.

Mfalme huyo amekuwa madarakani tangu mwaka 1986. Hivi karibuni serikali yake ilifanya karamu ya kifahari iliyogharimu dola milioni 12 kusherehekea miaka 40 ya kuzaliwa mfalme na pia miaka 40 tangu nchi hiyo ilipopata uhuru kutoka Uingereza.

Askari polisi wanalinda vituo vya kupigia kura nchini kote, baada ya kutokea jaribio la maandamani kutoka kwa wanaharakati.

Jana viongozi kadha wa wanaharakati hao walikamatwa baada ya kujaribu kufunga mpaka na Afrika KUsini, katika hatua waliyosema ilikuwa na lengo la kuelezea matatizo yanayoikabili nchi hiyo.

Odemba Kwenda Miss Earth Phillipines

KAMPUNI ya Compass Communication ambao ni waratibu wakuu wa mashindano ya Miss Universe Tanzania wamemteua Miriam Odemba kuiwakilisha Tanzania katika shindano la Miss Earth litakalofanyika nchini Philipines.

Hii itakuwa ni nafasi nyingine kwa Miriam ambaye tayari alishawahi kushiriki katika nyanja ya mitindo kupitia M-Net Face of Africa na kufanya vyema kabla ya kuharibu mkataba wake kulingana vigezo vilivyowekwa.

Akizungumza na Mwananchi, Mkurugenzi wa Compass Communication Inayomwandaa mrembo huyo, Maria Sarungi alisema mrembo huyo atakwenda Philipines mwanzoni mwa mwezi ujao.

"Tunaamini atafanya vizuri kutokana na historia yake ya kushiriki katika nyanja mbalimbali za mitindo na kufanya vizuri hivyo, lazima atakuwa na uwezo wa kuiwakilisha nchi yake popote pale atakapokwenda," alisema 

Watoto Wa Vigogo Mahabusu

WATOTO wa vigogo wanaofanya kazi Benki Kuu ya Tanzania (BoT) wameburutwa katika Mahakama ya Hakimu Mkazi Kisutu wakidaiwa kughushi vyeti vya sekondari. 

Washitakiwa hao walifikishwa jana mahakamani hapo na Taasisi ya Kupambana na Kuzuia Rushwa (PCCB) na kusomewa mashitaka mbele ya Hakimu Mkazi, Bibi Neema Chusi. 

Watuhumiwa hao ni Bi Justina Mungai, Bi Christina Ntemi, Bi Siamini Kombakono, Bi Janeth Mahenge, Bi Beatha Masawe, Bi Jacqueline Juma, Bi Philimina Mutagurwa na Bi Amina Mwinchumu. 

Akisomewa mashitaka, mshitakiwa wa kwanza, Bi Justina alidaiwa kuwa mwaka 2001 alighushi cheti cha sekondari namba S.342/43 cha Februari 26, 1980 akionesha kuwa kimetolewa na Baraza la Mitihani Tanzania. 

Alidaiwa kuwasilisha cheti hicho katika Benki hiyo huku akijua kuwa ni cha kughushi. 

Mshitakiwa wa pili, Bi Christina alidaiwa kuwa mwaka 2002 alighushi cheti na kukiwasilisha BoT ambacho ni namba S.0222/42 cha Novemba 1999. 

Ilidaiwa kuwa Bi Siamini alighushi cheti namba S.238-0076 cha Machi 14 mwaka jana na kukiwasilisha BoT akionesha kimetolewa na Baraza la Mitihani. 

Naye Bi Janeth alidaiwa kughushi cheti namba S.311/0071 cha Machi 14, 1997 ambacho alikiwasilisha BoT huku Bi Beatha akidaiwa kughushi cheti namba S.331/0071 cha Aprili 2000 na kukiwasilisha katika benki hiyo. 

Washitakiwa wengine ni Bi Jacqueline ambaye anadaiwa kughushi cheti namba S.375/020 cha Machi 14,1999, Bi Philimina cheti namba S.0764/0012 cha Machi 1997. 

Mashitaka ya mwisho yalimkabili Bi Amina ambaye alidaiwa kughushi cheti namba S.0307/004 cha Machi, 1991 na kukiwasilisha katika benki hiyo huku akijua kuwa ni cha kughushi. Wote walikana mashitaka. 

Upelelezi umekamilika na dhamana iko wazi ambapo mahakama iliwataka kuwa na wadhamini wawili ambao ni wafanyakazi wa Serikali, hata hivyo hawakukamilisha masharti ya dhamana na hivyon kurudishwa ndani. Kesi itakuja tena Oktoba 6 mwaka huu.

Mbeki Awashutumu Wanaotaka Kumng'oa

Rais wa Afrika Kusini Thabo Mbeki ameshutumu kampeni zinazoendeshwa ndani ya chama chake cha cha African National Party (ANC), ambapo kuna wanaochagiza ajiuzulu.

Bwana Mbeki ametoa taarifa akiwashambulia wenye tabia ya kuelekeza matusi dhidi yake.

Amekanusha tuhuma kwamba aliingilia kati kesi ya rushwa iliyokuwa inamkabili kiongozi wa ANC Jacob Zuma.

Taarifa hiyo imetolewa hadharani wakati huu viongozi waandamizi wa ANC wakiwa wanajiandaa kuanza mkutano wao wa siku tatu kujadili mustakabali wa Rais Mbeki.

Bwana Mbeki yupo katika chagizo kubwa la kumtaka ajiuzulu kufuatia uamuzi wa mahakama kwamba kulikuwa na shinikizo la kisiasa katika kesi ya Bwana Zuma.

Kamati Kuu ya Taifa ya ANC, itakayojadili suala hilo na ambayo inaundwa na wajumbe wengi wanaomuunga mkono Jacob Zuma, hata hivyo haina ubavu kumshurutisha Bwana Mbeki kujiuzulu wadhifa wa Urais.

Lakini waandishi wa habari wanasema hata kama hawana uwezo wa kumuondoa katika wadhifa wa Urais, wanaweza kulipeleka suala hilo Bungeni.

Obama Apitishwa Rasmi

Seneta Barack Obama, jana alipitishwa rasmi na chama chake cha Democratic kuwa mgombea Urais wa Marekani kupitia chama chake hicho. Endapo atashinda urais, Obama atakuwa ndiye Mzungu Mweusi kuwa rais katika nchi hiyo.

Na mwamba mwenyewe, Bw Obama, aliojitokeza kwa muda mfupi jukwaani baada ya hotuba ya Bw Biden.Hotuba yake ni siku moja baadaye.

Hillary Clinton alikuwa na umuhimu mkubwa katika kuhamasisha wajumbe wamwidhinishe aliyekuwa hasimu wake kuwa mgombea rasmi.

Obama ameweka historia kwa kuwa mgombea wa kwanza mweusi kuteuliwa na chama kikubwa kupigania kiti cha rais wa Marekani.Wengi walishindwa kujizuia machozi.

Kando na pilika pilika za kisiasa, Denver mjini, bidhaa zenye kutangaza mambo ya siasa na wanasiasa wa Democratic zilikuwa zikinunuliwa kwa kasi kubwa.

Bill Clinton alipokelewa kwa wajumbe wote kusimama kwa heshima yake ambapo alihutubia na kuahidi kumwunga mkono kikamilifu Obama, ambaye alimwangusha mkewe katika kura za kupata mgombea wa chama hicho.

Kila la Kheri Obama......

Mugabe Kutoridhika na Muafaka

Rais Robert Mugabe wa Zimbabwe amewaambia viongozi wa chama chake kwamba makubaliano ya kugawana madaraka ya siku ya Jumatatu ni fedheha.

Lakini Bwana Mugabe akasema chama chake hakikuwa na njia nyingine baada ya kushindwa uchaguzi wa bunge mwezi Machi.

Bwana Mugabe baadae anatarajiwa kukutana na Waziri Mkuu mteule Morgan Tsvangirai kuzungumzia suala la kugawana nafasi za mawaziri chini ya makubaliano yao.

Kikwete Amtembelea Athumani Hospitali

RAIS Jakaya Kikwete jana alimjulia hali Mpigapicha Mkuu wa gazeti hili, Athumani Hamisi, ambaye amelazwa katika Taasisi ya Mifupa ya Hospitali ya Taifa ya Muhimbili (MOI) Dar es Salaam, baada ya kupata ajali ya gari wiki moja iliyopita mkoani Pwani. 

Rais Kikwete na msafara wake alifika hospitalini hapo saa 11:20 jioni na moja kwa moja alikwenda kwenye chumba alicholazwa mwanahabari huyo na kumjulia hali, huku akieleza wazi kusikitishwa na ajali iliyompata. 

“Athumani, nimesikia kwamba umepata ajali, nimesikitishwa sana…nimekuja kukuona, nitazungumza na madaktari kuona nini cha kufanya,” ilikuwa kauli ya Rais Kikwete kwa mfanyakazi huyo wa Kampuni ya Tanzania Standard Newspapers (TSN), inayochapisha pia magazeti ya Daily News na Sunday News. 

Rais Kikwete alifuatana na Mkurugenzi Mtendaji wa MOI, Profesa Lawrence Museru pamoja na Mhariri Mtendaji wa TSN, Isaac Mruma. 

Athumani alipata ajali Ijumaa iliyopita majira ya saa tatu asubuhi eneo la Kibiti mkoani Pwani akiwa njiani kwenda Kilwa mkoani Lindi, kwa ajili ya kuripoti matukio ya Taasisi ya Vodacom Foundation kufuturisha watoto wa mjini humo. 

Mpigapicha huyo alikuwa na wenzake wawili, Heri Makange wa Channel Ten na Anthony Siame wa New Habari Corporation, ambao hata hivyo, hawakuumia sana kulinganisha na Athumani ambaye ameumia sehemu za kichwani na kifuani

Maandamano Dhidi ya Viongozi BAKWATA Ruksa

JESHI la Polisi Kanda Maalum ya Dar es salaam limesema kundi la waislamu walioomba kufanya maandamano ya amani kushinikiza kurudishwa madarakani kwa viongozi wa Baraza la Kuu la Waislamu Tanzania (Bakwata), wa,eruhusiwa kufanya hivyo, lakini likataka wasimalie maandamano yao kwenye ofisi za baraza hilo.

Kamanda wa Dar es salaam, ACP Suleiman Kova alisema jana kuwa jeshi hilo litatoa ulinzi katika maandamano hayo, lakini akasema waandamanaji hawaturuhusiwa kwenda ofisi za makao makuu ya Bakwata.

"Jeshi la polisi litatoa ulinzi, lakini halitaki kamati hiyo, ifike ofisi ya Bakwata na tunaitaka itafute sehemu nyingine ya kuhitimishia maandamano yao na si kwenye ofisi za Bakwata kwa kuwa kuna vikundi vya siri vilivyoandaliwa ili kuhatarisha amani," alisema Kamanda Kova.

"Hivyo natoa onyo kwa atakayekaidi amri hii, lawama zote zitaelekezwa kwa kamati husika."

Kova alikiri kupokea barua kutoka kwa kamati hiyo, ikiomba ulinzi wa jeshi hilo lakini alisema muda mfupi baadaye alipokea barua kutoka Bakwata inayopinga maandamano hayo kumalizikia kwenye ofisi zao kwa kuhofia uwezekano wa kuvunjika kwa amani.

"Barua tuliyopokea kutoka Bakwata ilitueleza kuwa wamepokea taarifa kuwa kuna vikundi mbalimbali vimeandaliwa na kamati hiyo ili kufanya vurugu," alisema.

"Baada ya kufanya uchunguzi tumebaini pande hizo mbili zinaonekana kupaniana, hivyo hali ya usalama itapotea endapo maandamano hayo, yataishia Bakwata.

"Kingine ni kwamba viongozi wa Bakwata wamekataa kupokea maandamano hayo. Sasa kama wamekataa, kamati hiyo itakwenda kufanya nini wakati haitapokelewa na Bakwata."

Unawajua Mbwa Mwitu

Kikundi cha vijana, maarufu kwa jina la "Mbwa Mwitu" wakiwa chini ya ulinzi katika Kituo cha Polisi Kati, Dar es Salaam baada ya kukamatwa jana. Vijana hawa wanatuhumiwa kufanya vitendo vya uhalifu katika maeneo ya Mto Kizinga na Mbagala wilayani Temeke. 

Viongozi Wetu wa Kesho

Wanafunzi hawa walionekana wakiwa juu ya gari iliyokuwa imebeba kifusi cha mchanga, je hii si ni hatari ukitegemea jinsi magari haya yanavyopelekwaga kwa mwendo wa kasi na huwa mengi ni mabovu.

Mapanga Shaaa

UGOMVI WA WAKULIMA NA WAFUGAJI:Bw. Joseph Boniface Taim (50) mkazi wa Kijiji cha Mboga, Chalinze wilayani Bagamoyo, Pwani akishonwa majeraha ya sime katika Zahanati ya Chalinze juzi baada ya kucharangwa sime na Wamasai waliokuwa wakilazimisha kulisha ng'ombe zao kwenye shamba lake.Baada ya 'kibano' hicho, Wamasai hao walilisha ng'ombe hao walioharibu mazao tofauti yaliyokuwemo shambani humo kabla ya kuondoka. Kwa mujibu wa mpigapicha wetu, mmoja wa Wamasai hao ambaye jina lake halikupatikana alikamatwa na anashikiliwa katika Kituo cha Polisi cha Chalinze.

KP Leo

Twanga Kufanya Mambo Kenya

BENDI ya muziki wa dansi ya African Stars International, maarufu Twanga Pepeta imealikwa kwa ziara ya onyesho maalum jijini Nairobi, Kenya.

Ziara hiyo imetolewa na taasisi ya kimataifa ya African Economic Research Consortium yenye makazi yake Nairobi.

Onyesho hilo ni kwa ajili ya maadhimisho ya miaka 20 tangu kuanzishwa kwa taasisi hiyo nchini humo.

Mkurugenzi wa Kampuni ya African Stars Entertainment Tanzania (Aset) inayomiliki bendi hiyo, Asha Baraka alisema kuwa wakiwa Kenya, Twanga watafanya maonyesho mawili kwenye ukumbi wa Intercontinental na katika ukumbi wa hoteli ya Carnivore.

Alisema kuwa mbali na maonyesho hayo mawili yatakayofanywa na bendi yake, pia watatumia fursa hiyo kutambulisha nyimbo mpya zinazotamba hivi sasa katika vituo mbalimbali vya redionchini.

Alizitaja baadhi ya nyimbo mpya zinazotarajia kupigwa na bendi hiyo kuwa ni Sumu ya Mapenzi, Nazi haivunji Jiwe.

ìNinafurahi kuwataarifu kuwa Twanga wamepata mwaliko huu kutokana na ukweli usiopingika kuwa wamejijengea jina nchini humo na hii itakuwa safari yetu ya tatu kwenda Kenya.

Kwa kweli ni mafaniko ambayo tunapaswa kujivunia kuona kwamba muziki wa wazawa unakubalika,îalisema.

Alisema kuwa msafara huo utakuwa na wanamuziki 25 ambao ni pamoja na waimbaji wao mahiri, Abuu Semhando, Hamis Amigolas, Luizer Nyoni na Saleh Kupaza, wakati wanenguaji ni Hamisa Mussa, Omari Mussa na Lilian Tungaraza.

Tz Yapata Msiba Mwingine Kutoka Ugenini

Wafanyabiashara wawili raia wa Tanzania, wameuawa kwa kupigwa risasi nchini Burundi na watu wanaodhaniwa kuwa majambazi na kuporwa kila kitu walichokuwa nacho. 

Habari kutoka kwa ndugu wa marehemu hao, zilidai kuwa Watanzania hao waliuawa juzi jioni mpakani mwa Tanzania na Burundi katika Kijiji cha Kabonga walipokuwa wakivuka mpaka kutoka Burundi kuingia Tanzania, mwambao wa kaskazini mwa Ziwa Tanganyika. 

Akizungumza na waandishi wa habari mjini Kigoma jana, ndugu huyo wa marehemu, Shaaban Juma aliwataja waliokufa kuwa ni Kibona Salehe Mwenge (32) mkazi wa Ujiji Mjini Kigoma na Bahati Soud au Mama Masoud mkazi wa Kilimahewa mjini hapa. 

Kamanda wa Polisi Mkoa wa Kigoma, Abdihaki Rashid amekiri kuwapo kwa tukio. Hata hivyo, alisema hana taarifa zozote zaidi za jinsi mauaji hayo yalivyotokea na anasubiri kuletewa taarifa na watu wake. Aidha, Mkuu wa Mkoa wa Kigoma, Joseph Simbakalia alipopigiwa simu na waandishi wa habari jana kuhusu taarifa zaidi za tukio hilo, alisema apigiwe Kamanda Rashid ambaye ndiye mwenye taarifa zote. 

Msekwa Anena

MAKAMU Mwenyekiti wa CCM Bara, Bw. Pius Msekwa, amesema Katiba ya nchi si msahafu hivyo inaweza kurekebishwa wakati wowote kulingana na mazingira na mahitaji yaliyopo. 

"Tunaweza kudumisha demokrasia kwa kukuza na kuimarisha uelewa kwa njia ya mfumo wa utawala unaoruhusu wananchi kushiriki utawala kwa kuchagua wawakilishi wake na kutumia vizuri miundombinu ya demokrasia iliyopo," alisema

"Rushwa na ufisadi ni adui wa demokrasia na maendeleo na demokrasia ya nchini kwetu ina matatizo. Wananchi wanalilia Katiba mpya, CCM na Serikali iliyopo madarakani inabidi iwajibike ili kumaliza tatizo la Katiba yenye misingi mizuri ya demokrasia. 

Ili tuwe na demokrasia ya kweli ni lazima tuwe na tume huru, itakayowasiliana na vyama vyote vya siasa, lakini tume ya namna hiyo haipo, kwani mfano mzuri ni Tarime, tangu kutangazwa kwa uchaguzi wa jimbo hilo haijawahi kufanya mkutano hata siku moja na vyama vya upinzani," aliongeza

Bw. Msekwa alisema hayo jijini jana katika maadhimisho ya Siku ya Kimataifa ya Demokrasia, ambapo alitoa salamu za chama chake kwa niaba ya Mwenyekiti wa CCM, Rais Jakaya Kikwete. 

I Miss You

Mwandishi wa Habari Mwandamizi Zephania Musendo aliyekuwa akitumikia kifungo katika gereza la Mkuza mkoani Pwani akipokewa kwa furaha na mkewe Pascalia baada ya kumaliza kifungo chake jana. 

Zimbabwe Mambo Msuano

Mpatanishi wa Zimbabwe, Rais Thabo Mbeki wa Afrika Kusini (kulia) akiwa na viongozi wa kisiasa wa Zimbabwe, kuanzia kushoto, Profesa Arthur Mutambara wa MDC-M, Rais Robert Mugabe wa ZANU PF, Bw. Morgan Tsvangirai wa MDC-T, muda mfupi baada ya hafla ya kusaini makubaliano ya kuundwa kwa Serikali ya Umoja wa Kitaifa, jijini Harare, Zimbabwe jana.

Ngwea - Kwenda Ulaya si Kitu

Wakati wasanii wa muziki wa Bongo Flava wakiendelea kula matunda ya ziara zao za ulaya wanazofanya kila kukicha,mmoja kati wasanii maarufu ktk fani ya muziki...Albert Mangwea 'Ngwea'.... ameibuka na kukandia vibaya ziara hizo huku akidai kuwa ukijipanga vizuri...unaweza ukaingiza mkwanja wa kutisha hapahapa nyumbani ukilinganisha na wale waendao ulaya.

Akionesha msisitizo kuhusu hilo...Ngwea alisema hata siku moja hatishwi na ziara za wasanii wenzake ambao alisema
hata hivyo wamekuwa wakipata malipo madogo kuliko yale ya hapa nyumbani.

...."We mwenyewe unaona pamoja na kwenda kwao ulaya kila siku...lakini si kila ziara inakuwa na manufaa...wengine
hawarudi na chochote cha maana," alimalizia Ngwair huku akimwacha mwandishi mdomo wazi akiwa haelewi je ni wivu 
au ni kitu ganiiiii.

Siuhitaji Uaskofu - Mkapa

RAIS mstaafu wa Serikali ya Awamu ya Tatu, Benjamin Mkapa amesema hana nia ya kuwa askofu wala hauhitaji, isipokuwa yeye ni mcha Mungu wa kawaida kama ilivyokuwa awali. 

Mkapa alitoa kauli hiyo juzi katika sherehe za Jubilee ya miaka 100 ya Shirika la Masista la Mtakatifu Benedict lililopo Ndanda Wilaya ya Masasi, mkoani Mtwara. Alitumia nafasi hiyo kueleza kuwa vyombo vya habari vilimnukuu vibaya na kupotosha ukweli juu ya kile alichoongea akiwa katika ibada kanisani mkoani Mwanza wiki moja iliyopita. 

“Nilikuwa Chato mkoani Kagera, baada ya hapo nilipitia Mwanza nikiwa njiani kurudi nyumbani….niliporudi nyumbani, mwanangu akaniuliza baba siku hizi unataka kuwa kiongozi wa kidini?...Nikamuuliza kulikoni? ...akanijibu magazeti yameandika hivyo,” alisema Mkapa na kuongeza: 

“Kweli siku ya pili nikakuta katuni kwenye gazeti moja inayohusishwa na mimi ikiwa imebeba vitabu vya Biblia….sasa nataka kuwahakikishia kuwa sitaki uaskofu wala siuhitaji, ieleweke hivyo…..mimi ni mcha Mungu wa kawaida kama nilivyokuwa awali,” alisisitiza Mkapa. 

“Enzi za mimi kujihusisha na siasa zilikoma pale nilipokabidhi madaraka kwa Serikali ya Awamu ya Nne mwaka 2005,” alinukuliwa Mkapa na vyombo vya habari, akiwaambia waumini wenzake katika Ibada hiyo jijini Mwanza kwenye Kanisa Katoliki la Mtakatifu Francisco Exaveri. 

Mkapa katika hotuba yake juzi, aliwasifu masista hao kwa kuinua kiwango cha elimu kwa mikoa ya kusini na Tanzania kwa ujumla, sambamba na jitihada zao za kuboresha huduma za afya, hasa katika kutoa tiba na elimu kuhusiana na ugonjwa wa ukoma uliokuwa umeshamiri katika eneo hilo. 

“Mimi binafsi nawashukuruni sana maana ujio wenu una mchango mkubwa kwa kiwango cha elimu niliyoipata ambayo imeniwezesha kuwa kiongozi mwadilifu wa nchi hii... na haya ni matunda yenu,” alisema Mkapa ambaye alisoma Shule ya Sekondari Ndanda iliyokuwa inamilikiwa na kanisa hilo. 

Bibilia yamponza Makamba

Katibu Mkuu wa Chama Cha Mapinduzi (CCM) Yussuf Makamba amesema tabia yake ya kunukuu Kitabu cha Biblia ndiyo iliyomponza na kunukuliwa vibaya na vyombo vya habari kuhusu suala la Nape Nnauye kwamba hawezi kukata rufaa baada ya kufukuzwa. 

Akikanusha kauli yake aliyoitoa hivi karibuni kuhusu Nape akidai kuwa ``amefungiwa Mbinguni na Duniani`` akimaanisha kuwa hawezi kukata rufaa popote alisema, yeye hakumaanisha hivyo. 

``Unajua siku zote waandishi wa habari, wanajua kuwa napenda sana kunukuu baadhi ya vifungu vya Biblia hivyo na siku hiyo nilipoulizwa suala hilo nikazungumzia kama utani, sikujua kama wenzangu `wamenikoti` `` alisema Makamba. 

Alisema Nape hawezi kufukuzwa NEC kwa vile haingii kwenye nafasi hiyo kupitia umoja wa vijana na wenye mamlaka ya kumwondoa ni Halmashauri Kuu. 

Alisema Halmashauri Kuu haiwezi kuingilia maamuzi yaliyochukuliwa na Baraza Kuu la Umoja wa Vijana kwa vile wanakanuni zao zinazowaruhusu kwa mujibu wa katiba ya umoja wao. 

Alisema katiba ya chama hicho haisemi wazi kuwa mjumbe wa NEC anapovuliwa unachama na jumuiya yake, anakuwa ameondolewa kuwa mjumbe wa mkutano huo au la. 

Watanzania Wauwawa Kwa Madiba

licha ya kuwa karibu na wananchi wa afrika ya kusini, inaelezwa kuwa bado watanzania wanaendelea kuuwawa nchini humo.

Watanzania hawa wanauwawa kwa kupigwa risasi na hata kuchomewa mali zao yote hii ni kupinga wageni waishio nchini humo kwa kile kinachoelezwa kuwa wanawachukulia wazawa ajia zao.

Mtikila kumpeleka Mkapa Kortini

PAMOJA na kutangaza kujitenga na mijadala ya kisiasa na badala yake kujikita zaidi katika masuala ya kuhamasisha upendo, amani na ucha Mungu, Rais Mstaafu wa Awamu ya Tatu, Bw. Benjamin Mkapa anaendelea kuandamwa na jinamizi linalotokana na kazi za mikono yake alipokuwa Ikulu. 

Akizungumza kwa mara ya kwanza tangu alipofutiwa kesi hiyo, Mtikila amekiri kuwa kipindi alichokuwa ameshitakiwa alikuwa katika wakati mgumu kuendelea na masuala yake ya harakati lakini sasa ataanza na Bw. Mkapa. 

"Ni lazima nimburute mahakamani ili aeleze ni kwa nini alijimilikisha mgodi wa Kiwira na kuuza kwa makaburu Benki ya Taifa ya Biashara (NBC)," alisema Bw. Mtikila na kuongeza kuwa pia kesi hiyo itamtaka Bw. Mkapa aeleze ilikuwaje akabariki Serikali kununua ndege ya Rais kwa dola bilioni 50 wakati thamani halisi ya ndege hiyo ikiwa takribani sh. bilioni sita tu. 

"Kwa haya aliyofanya raia wa kweli hawezi kukubali kuyatenda," alisema Mchungaji Mtikila na kuongeza kuwa ni lazima amfikishe mahakamani haraka sana. 

Akizungumzia kesi aliyokuwa ikimkabili ya kudaiwa kumkashifu Bw. Mkapa alisema kesi hiyo ilifunguliwa katika mazingira ya kisiasa kwa lengo la kumziba mdomo. 

"Serikali ilinifungulia kesi hiyo kwa lengo la kuniziba mdomo nisiseme ukweli, lakini sasa wameufungulia kwa kuniondolea kiwingu nitaanza kuwasha moto," alisema Mchungaji Mtikila 

Teknologia Inatupeleka Wapi??

Kompyuta unayoweza kuikunja na ikabakia screen to yaani vyakubonyezea yaa Keybord ikapotea na isionekane. Mambo ya Teknologia hayo

Kenya Kujenga Nyumba 140

Serikari ya Kenya, imejiwekea mpango wa kujenga nyumba 140 kwa ajili ya wananchi wake hasa wale walio athirika na kubomolewa nyumba zao katika machafuko yaliyotokea kipindi cha uchaguzi.

SOMO LA MAZINGIRA

Zimbabwe Kumekucha - Zimbabwe parties reach power-sharing deal

President Robert Mugabe and opposition leader Morgan Tsvangirai agreed to share power on Thursday in a deal to end Zimbabwe's political crisis, both sides said.

The agreement follows two months of negotiations between Mugabe, 84, who has ruled with an iron hand since independence from Britain in 1980, and former union leader Tsvangirai, 56, his fiercest opponent for the past decade.

But it was not clear how many concessions Mugabe made to Tsvangirai, an issue that will likely determine how much financial support Mugabe's Western foes will give Zimbabwe to help it recover from economic meltdown.

The deal was a coup for South African President Thabo Mbeki, who defied pressure to take a tough line with Mugabe, pursuing soft diplomacy as the regional mediator in the talks.

Mugabe's ZANU-PF and Tsvangirai's MDC would announce a national unity government on Monday, said Mbeki.

"I am absolutely certain that the leadership of Zimbabwe is committed to implementing these agreements, In the end, out of all of that process, has come an agreement that is a unanimous agreement, arrived at without any reservation by all the negotiating parties," said Mbeki.

Kibaki asks oil companies to lower prices (Kibaki aomba makampuni ya mafuta kupunguza bei za mafuta)

President Kibaki on Friday appealed to oil companies to reduce pump prices in line with falling international crude oil prices in order to stem inflation.

He said the high cost of energy is causing severe inflationary pressure.“I would like to appeal to the local oil companies to be mindful of the heavy burden on wananchi when international oil prices increase,” the President noted.

“Accordingly, when these prices reduce, the benefits should be extended to the consumers without delay.”

In a press statement released on Friday, the Energy Regulatory Commission notes that the current pump prices are expensive by over eight shillings.

The newly inaugurated energy sector regulator also called on oil companies to adjust their prices “downward commensurate with the changes in the international prices.”

Polisi washituka

UWEZEKANO wa kutokea vurugu kwenye ofisi za Baraza Kuu la Waislamu Tanzania (Bakwata), jana ulipotea baada ya polisi kuweka ulinzi mkali, huku chombo hicho kikiweka wana usalama binafsi, maarufu kama 'mabaunsa' kukabiliana na kikundi cha vijana wa Kiislamu waliodaiwa kukusudia kuvamia ofisi hizo kwa lengo la kupindua utawala.

Wakati mikakati hiyo ikiripotiwa kufanywa, viongozi wote wa Bakwata hawakuwepo jijini Dar es Salaam na kwamba walikuwa mjini Dodoma kwa ajili ya mkutano mkuu unaotarajiwa kuanza leo kujadili marekebisho ya katiba ya baraza hilo.

Kwenye ofisi za Bakwata jana maajira ya saa 6: 10 mchana, gari la kwanza la polisi aina ya Land Rover lenye namba PT 0751 liliwasili katika eneo hilo likiwa na askari wenye silaha, wakiongozwa na Kamanda wa Polisi, Mkoa wa Kinondoni na kuegeshwa kando kidogo ya lango kuu la kuingilia kwenye ofisi hizo na dakika 30 baadaye liliingia gari jingine la polisi likiwa na askari.

Askari hao walionekana kurandaranda katika maeneo hayo huku wengine wakionekana kuwa tayari kwa lolote ambalo lingeweza kutokea katika eneo hilo.

Mbali na ulinzi huo, pia kulikuwapo vijana maarufu kwa jina la 'mabaunsa' walioandaliwa na utawala wa Baraza Kuu kwa ajili ya kudhibiti hali ya amani iliyokuwa tete katika eneo hilo.

Vijana hao wenye vifua vipana walikuwa katika kila kona ya Msikiti wa Alfarook, huku vikundi vidogo vidogo vya watu vikibadilishana mawazo juu ya kadhia hiyo.

Pinda aenda home

Waziri Mkuu, Mizengo Pinda, akiangalia ngoma ya kabila la wafipa kutoka katika kikundi cha cha wanawake wa Sumbawanga, alipowasili katika ziara yake wilayani Mpanda mkoa wa Rukwa.